القائمة الرئيسية

الصفحات

بغيتي تعلم الانجليزية: سر لي ماعرفوش بنادم

بغيتي تعلم الانجليزية
بغيتي تعلم الانجليزية

لاغلبية بغات تعلم انجليزية او الخطاء لي كيوقع ان ناس غالبا كيستعنو بدوك المواقيع بحال ديولينغو ...او دوك الدورات المملة ولكن بعد مدة زمنية كيفشلو
شي حاجة عادية ڭاع هاد المرحلة داز منها بنادم ولكن  واش بغيتو السر ديال ناس لي تعلمو اللغات كيما كانو اون جينغال سوى فرونسي انجليزية لي كانت لمهيم مانطلوش عليكم السر هو الكومنيكاسيون آه الكومنيكاسيون يعني تكلم مع بنادم
ولكن كيفاش غاندوي او انا ماعنديش تا لاباز؟؟ لمهيم بإختصار على تجربة شخصية لاباز ساهل هو تعلم الحروف او كيفاش كيتنطقو ثاني حاجة اي كلمة شفتيها ترجمها العربية هادي هي طريقة باش نميت ڤواكبليغ ديالي منين بديت
من بعد منين كايكون عندك هاد لاباز اوكتولي تنطق لكلمات غادي تمشي تبدا تفرج فدووك الفيديوات ديال دراري صغار كيفاش دير تحية كيفاش تڭول شحال الساعة(هادشي كندوي على لي ماعندوش ڭاع آلانجليزية هادشي انا درتو فاش كنت فسابعة اعدادي) هكا غادي ايكون عندك واحد لباڭاج من بعد كادخل فالمعقول لي هو الكومينكاسيون😮
ولكن كيفاش غانتلقا معامن غاندوي او انا ساكن فالمغرب عن تجربة شخصية او مانكدبش عليكم كانت عندي صديقة من فلسطين (ندرين انني اراك 😂) او وحدة من كينيا😇 هما معامن بديت واخا كنت كاندير الااخطاء كايوصل الميساج او كيصصحو ليا الاخطاء ديولي او العجيب فالامر جامي ضحكو عليا اوهادشي ڭلتها ليهم نهار لول
من بعد من وليت كاندوي عادي كنتلقا راسي كيخصني نزيد فنيڤو هنا بديت كنتفرج فسيريات او كنستعمل ترجمة بجوج انجليزية او عربية باش نعرف كيفاش كاتكتب لكلمة او المعنى ديالها 🤗
لمهيم غايجي شي واحد غايقول ليا ڭاع ماذكرتي القوآعد لڭرامر ... راه لحاجة لولة لي كاتفشل بنادم فتعلم اللغة هي تشبث بالقواعد دوي حر خربق ولكن بلدنا او لامتخانات كيفرضو علينا قواعد اللغة انا جبت ليكوم الحل تال بين ايديكوم غير لي مابغاش العشران جبت
 ليكوم هاد الكتاب :كليكي هنا 
هاد الكتاب مكتوب فكامبيردج من اعرق الجامعات فبريطانيا ساهل ماهل فيه لا باز من زيرو فيه تمارين بالاجوبة ديالهوم او مشروح بتصاور كتاب نصحني بيه الاستاذ لي قراني فالباك او صعيب تلقاه كامل هذا غير دومنديتو + كايمشي معك بطريقة متسلسلة يعني كايدير ليك التشويق كاتبغي تحاول تكملو بزز منك  ^_^
بالنسبة كيفاش ندبر على دوك ليزامي معامن دوي نصيحة بعد من ناس ديال ميريكان اولا اوربا حينتاش فيهم العياقة بربي لا جاوبوك الا الى بغاو غارضهوم 😏 اوقلب على ناس ديال افريقيا لي كيديو بانجليزية كلغة رسمية قلب غير فڭوڭل كيفاش نلقا ديزامي على فايسبوك فهاد لبلاد كاينين بزاف ديال شروحات دايرينهوم عرب فيتيوب (مثلا جنوب افريقيا) اولا لميصرين...
بس1: لي ماعرفش كيفاش ايتيلاشارجي الكتاب تفرج فهاد
الفيديو فيه الطريقة :

كنتمنى نكون فدتكم عن تجربة شخصية
بس2: ماشي بالضروري تكون كاتجيب 20 فالامتحانات راك واعر فانجليزية حينتاش امتحانات غير حفاضة او الدليل حنا 3 ديال العشران واحد كيطير جاب عشرين فالوطني واحد زرڭ مايمكنش ليه ايدوي بيها ولكن حفاض جاب 19 اولعبد لي ڭداكم كان معنكش بالماط و صيونص دانجينيور جبت فيها 16.25
كنتمنى مانكونش طولت ^
هل اعجبك الموضوع :

تعليقات