القائمة الرئيسية

الصفحات

10 أيام على البكالوريا اما النجاح او النجاح

السلام عليكم  قبل عام من الأن كنت على موعد من أن أجتاز شهادة البكالوريا , وعشت وعايشت كل تفصيلة فيها وقبلها وبعدها. علابالي بلي أنت مدام دخلت لهاد المقال راك حاب تسمع هدرت تريحك , وهدرت لي تخليك ترتاااااح وأنا نقولك ارتااح ايه ارتااح .

10 أيام على البكالوريا اما النجاح او النجاح

ولكن متنساش أنه الراحة الحقيقة هي نهار تخرج من امتحان الفلسفة لي هو أخر امتحان في البكالوريا , وانت كُلك أمل وتفائل بالنجاح وهذا ان اضفت له الثقة في الله عز وجل سيصبح شيئ أنت متأكد منه . صدقوني اذا كانت المراجعة هي السبب الوحيد للنجاح بالنسبة لك فسنصحح لك هذا التفكير ونقولك أن الله عز وجل هو  لي بيده كل شيئ . متفهمنيش غالط ولكن قصدي أنه بالتقرب من الله عز وجل راح يسهللك كل شيئ فقط ثق في الله عز وجل وسترى العجب .

فقط ارفع يديك وادعي وقول : 

اللهم ما ارني الحق حق وارزقني اتباعه وارني الباطل بالطل وارزقني اجتنابه  ربي يسر لي امري واحلل عقدة من لساني يفقه قولي  اللهم وفقني في دراستي واجتهادي في كسب العلم، اللهم يسّر لي جميع الاختبارات و ألهمني الإجابة الصحيحة. اللهم ارزقني التوفيق و السداد, و اختم مجهوداتي بمعدّل ينسيني تعب الدراسة  . برحمتگ يا ارحم الراحمين .

وهذا اتبعه بالعمل على حسب قدرتك ابحث المهم انك مترقدش حتى تجيب الاجابة للسؤال تاعك  حتى تحل اكبر قدر من التمارين حتى تصلي صلاتك وتدعي دعائك .
راح تنجح وماشي غير فقرايتك فقط غاذي تنجح فكل شيئ فيه خير لك. معظمكم الان يتسائل ويقول لماذا اتكلم بهذه النبرة الحزينة 
نجاوبكم ونقول أنا حزين لأنني أعرف ناس همهم الوحيد هو المراجعة فقط وينسى ان الله عز وجل بيده كل شيئ .

لحبيت نوصله لكم هي أنه عشرة أيام قادرة تغيير من حياتك مستقبلاً , اذا عرفت كيفاش تستغلها كيفاش تقسمها كيفاش تراجع بذكاء , 
كيفاش تختار الملخص المناسب باش نزيد نريحكم حبيت نقولك أنا تاريخ و الجغرافيا حفظتهم قبل يوم  بطريقة الرسم والاعتماد على المقتراحات الاساتذة وحل البكالوريات ومداتليش أكثر من 8 ساعات فقط . ولكن كانت بذكاء محكم مني كانت بتفائل بالنجاح اتذكر يوم الامتحانات كنت نراجع في وقت الناس كانت ترتاح ولكن أنا كنت مرتاح يوم ناس كانت تدرس.

متقارنش نفسك بغيرك أنت تستطيع بتخطيط محكم منك في 10 أيام + ايام الامتحانات أنك تجيب نقاط جيدة هذه الطريقة لي خلاتني 
نجيب الباك نتاعي فالوقت لي الناس كاملين مكانوش طامعين فيا ننجح .
تخليت عن لحظات السعادة حينها وتفرغت للدراسة لدرجت أمي وأبي قالولي حبس هذ الدراسة عليك صافي لي قرا قرا ف اكتوبر وانت راح تنجح لأنك تعبت كنت نقولهم منرتاحسش حتى نجيب الباك نتاعي .
كاين ناس دوك تقول منين جاتك هذ الحكمة والرزانة وأنا نقولك كل هذا وأكثر جاني حين قررت أنني أتفرغ لصلاتي ودعائي لله عز وجل بأن يرزقني الصبر والاجتهاد و المثابرة للنجاح في شهادة البكالوريا عرفت قيمة الدعاء الان هذي هي : تخليك تخمم غير فالحوايج لي ينفوعك تخليك رزيين جداً تخليك تدرس بكل راحة تخليك تدرس اشياء تطيحلك برك 

أنا عشرين يوم تقريباً غيرت حياتي بالرغم من أنني لم أجد مثال حي يبرهن لي بأنه أستطيع النجاح في 20 يوم  ومع ذلك نجحت وهذا كله بفضل الله عز وجل ومن بعدها اجتهادي ودراستي .
أنا نقولك كمل متحبسش زيد في سرعة المحرك زيد تفائل وهز يديك وقل ربي اني نتعب من أجل ان انجح في الباك فيارب يسرلي وصبرني وفرحني بالنتيجة .
لكل واحد يتبع واش قلتله بنية صادقة نقوله ربي عمره يخيب عبده اذا لجئ اليه ربنا كريم  ربنا كريم .
وحبيت منكم الأن أنكم تصلوا على نبينا وتستغفرو بزاف وتصلوا وتقراو قراءن من أجلكم ليس من أجلي ولا من اجل  والديك بل أجلك ويكون أحسن لو تدعي أنك متفرطش فيها مهما كانت النتيجة .
رسالة مني اليكم أنا العبد الضعيف 
شكراً 
reaction:

تعليقات